Ano ka bala kadugay maghakos sa imo nga pinalangga?.
Nangin debate sa bug-os nga kalibutan kun ano bala dapat kalawig ang paghakos sa isa ka tawo, matapos nga nagpatuman ang isa ka airport sa New Zealand sang three-minute limit para sa farewell hugs.
Ginkakabot sang mga leader sang international airport sa southern city sang Dunedin ang pagviral sang ila nga layi sa car drop-off zone.
Suno kay chief executive Daniel De Bono, agud nga tayuyon ang pagginawi sa airport, nag-install sila sang bag-o nga signage lakip na ang ‘Max hug time 3 minutes’ sign.
Suno diri, ini ang ila pamaagi agud mapahibalo sa mga tawo nga ang drop-off zone ang para sa mga madasig nga farewell.
Ginpasiguro man sini nga bisan ang 20-second hug ang husto na para magrelease sang oxytocin kag serotonin, ukon ang happy hormones.// Kag ang three minutes ang sobra-sobra na para mag-goodbye kag makuha ang imo dose of happiness.
Dugang pa sini, sa may luyag nga maghakos sang malawig, mahimo nila nga maggamit ang car park kun sa diin libre ang first 15 minutes.
