Ginhatagan sang wildcard slot ang Filipina Tennis Star nga si Alexandra “Alex” Eala sa makasaysayan nga 2026 Philippine Women’s Open, nga magasugod sa Enero 26 sa Rizal Memorial Tennis Center.
Suno sa Philippine Tennis Association, ini nga development ang gin-kumpirmar sang Philippine Sports Commission (PSC) sang Sabado.
Apang, ang pag-intra sang 20-anyos nga atleta sa tournament ang magadepende sa iya iskedyul.
Nahibaluan nga si Eala nga kasubong yara sa No. 53 ang naka-line up na nga maghampang sa main draw sang Australian Open, nga magasugod humalin Enero 18 tubtob Pebrero 1 sa Melbourne, Australia.
Ini ang kadungan sa WTA 125 tournament, kag kun malab-ot siya sa malayo nga round sa Australian Open, posible nga indi siya maka-intra sa local event.
Luwas kay Eala, kalakip man sa nahatagan sang wildcard slot ang atleta nga halin sa Southeast Asia nga si Janice Tjen sang Indonesia.
