-- ADVERTISEMENT --
Dead on arrival ang ginaalegar notorious nga kawatan matapos ginluthang patay sang motor-riding suspect sa Regent Pearl Subdivision, Barangay Alijis, Bacolod City kagab-i.
Suno kay Police Captain Andy Ofalia, station commander sang Bacolod Police Station 7, wala gid natabangan ang biktima nga si Jay-R Gamboa, residente sang nasambit nga lugar, matapos ginluthang sa ulo kag liog sang wala pa makilal-an nga suspestado alas 8:15 kagab-i.
Suno diri, ang biktima ang nakaagi na priso sa kaso may kaangtanan sa illegal nga druga kag imbolbado man ini sa mga pagpangawat kag pagpanghold-up sa ciudad.
Sa karun ginahibalo pa sang mga kapulisan ang identity sang suspetsado kag ang motibo sa krimen.
