Ginpasalig sang Malacañang nga padayon nga magabaskog ang ekonomiya sang pungsod matapos nga naghinay ang inflation sa 1.5 percent sadtong Nobyembre.
Suno kay Executive Secretary Ralph Recto, ini bangud sa mas maayo kag tampad nga panggobyerno nga nagahatag sang pagsalig sa mga investors kag sa publiko.
Dako man nga bulig ang pagtinguha sang gobyerno nga mapanubo ang presyo sang pagkaon kag masiguro ang bastante nga supply sang bugas, utanon, kag karne.
Kun ang presyo sang mga balaklon manubo kag ang trabaho malig-on, nagagasto sang dugang ang kada pamilya kag ini isa ka tanda sang isa ka nagasanyog nga ekonomiya.
Bangud sini, makaangkon man sang kahigayunan ang Bangko Sentral nga magpanubo sang interest rates agud labi pa nga mapaayo ang negosyo kag palangabuhian.
Ginpahayag man ni Recto nga buhi kag aktibo ang mga investments sa pungsod bangud nangin mahapos ang pagsulod sang mga pribado nga sektor sa mga proyekto.
