Personal nga igarepresentar sang gobernador sang Negros Occidental ang probinsya sa Manila para sa bidding sa lugar nga patigayunan sang Palarong Pambansa 2024.
Suno kay Governor Eugenio Jose “Bong” Lacson, iya ipakigbahin ang nangin eksperyensya sang probinsya nga nakaagi na maghost sa amo nga event sang 2021.
Suno diri, ang Negros Occidental ang isa ka sports loving province, apang indi lamang ang sports ang igaduso niya, iya man ipakigbahin ang pagkaon kag area sa probinsya nga maka-attract sang turista.
Bilang preparasyon, naghingyo ini sa local government units nga buksan ang ila pavillion kag i-project nga ang Negros Occidental ang isa ka sports destination.
Samtang yara man ang probinsya sang Cebu kag Antique para magbid.
Igadeklarar sa Hulyo 21 kun sa diin nga probinsya igapatigayon ang Palarong Pambansa 2024.
