Wala pa sang opisyal nga kumpirmasyon ang House Justice committee sa impeachment complaint nga gin-file batok kay President Ferdinand “Bongbong” Marcos Jr. apang sila ang nakahanda nga batunon ini.
Suno kay Batangas Representative Gerville “Jinky Bitrics” Luistro, kun nangin opisyal na ang complaint kag nalakip sa Order of Business kag ma-refer sa ila komitiba, nakahanda sila nga batunon ini.
Ginpasaka ang impeachment complaint sang abogado nga si Andre De Jesus kag gin-endorso ni House Deputy Minority Leader kag Pusong Pinoy Party-list Representative Jernie Jett Nisay samtang gin-athag sang Malacañang nga ang pag-file sang impeachment complaint ang kabahin lang sang demokratiko nga proseso nga gintalana sang Konstitusyon.
Ini ang nangin pahayag sang Malacañang matapos ang ginpasaka nga impeachment complaint ni Atty. de Jesus sa kongreso batok kay President Ferdinand “Bongbong” Marcos Jr. nga gin-endorso ni Pusong Pinoy party-list Rep. Jett Nisay.
Suno sa Presidential Communications Office (PCO, ginarespeto sang Palasyo ang proseso kag nagasalig nga himuon sang Kongreso ang ila katungdanan bilang co-equal branch sang Gobyerno nga nasandig sa kamatuoran, may integridad, kag nagasunod sa layi.
Suno sa nasambit nga opisina nga nagapanindugan sa gihapon si Marcos sa layi kag nagasalig ini sa kalig-on sang mga demokratiko nga institusyon sa pungsod.
Dugang pa sang PCO nga samtang nagaagi sa nagakaigo nga proseso ang reklamo, padayon ang Presidente sa pagdumala sang Pilipinas agud masiguro nga ang tayuyon nga pagdul-ong sang serbisyo sa publiko.
