Ginpaidalom na sa Tropical Cyclone Wind Signal no. 1 sa nabagatnan nga bahin sang Surigao del Sur bangod sa Tropical Depression “BASYANG.”
Nahibaluan nga nadevelop bilang Bagyo ang Low Pressure Area alas-5:00 kahapon sang hapon, samtang ini ang nagsulod naman sa Philippine Area of Responsibility alas-5:30 sang hapon.
Ang sentro sang Bagyo ang ulihi nga nasiplatan sa 895 km sa nasidlangan sang Northeastern Mindanao.
Sa karun nagdasig pa sa 20 km/h ang hulag sang Bagyo BASYANG nga padulong West Southwestward nga dereksyon.
Namintinar sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h.
Ang Bagyo ang ginalauman nga magahulag generally sa west southwestward nga dereksyon tubtob bwas antes magliko sa west northwestward nga dereksyon sumugod sa Biyernes sang aga.
Sa atun forecast track, ang Bagyo ang mahimo maglandfall sa Eastern Mindanao bwas sa gab-i ukon sa Biyernes sang kaagahon.
Ini ang sunod nga ginalantaw nga magatabok sa kadutaan sang northeastern Mindanao ukon sa Central kag Western Visayas antes maglapos sa Sulu Sea sa Sabado sang aga.
Sabado sang hapon, ginalantaw nga magatabok ang Bagyo sa naaminhan nga bahin sang Palawan, kag magalapos sa West Philippine Sea.
Ang Bagyo BASYANG ang ginalantaw nga magakusog pa sa Tropical Storm category subong nga adlaw samtang yara sa Philippine Sea.
Apang matapos ang initial landfall, dako man ang posibilidad nga ini ang liwat nga magadowngrade tubtob nga magbalik sa Low Pressure Area sa Lunes.
