Indi magnubo sa 38 ang nadulaan sang kabuhi sa 67 ka mga persona nga sakay sang isa ka passenger plane sang Azerbaijan Airlines nga nagcrash sa Aktau, Kazakhstan.
Ang Embraer 190 aircraft nga may flight number J2-8243 nagikan sa Baku padulong sa Grozny ang nagcrash malapit sa Aktau Airport sang Miyerkules.
Suno kay Farid Huseynov, Head sang Press Service sang Azerbaijan Airlines, nakapadala na sang medical team kag nagakaigo nga medical equipment sa Kazakhstan kag nakaestablish naman sang hotline sa mga miyembro sang pamilya sang mga pasahero on board.
Magahatag man sang psychological support sa mga family members sang mga pasahero maskin anuman ang ila nationality kasubong man sa mga pilason.
Suno kay Zeynalov, gin-initiate na ang isa ka kaso kriminal sang Prosecutor General’s Office sang Azerbaijan sa idalum sang relevant articles sang Criminal Code maskin anuman ang mangin facts sang crash.