Ginpahanugutan sang International Criminal Court (ICC) Pre-Trial Chamber I ang request ni former President Rodrigo Duterte nga indi magtambong sa hearing sang confirmation of charges sa masunod nga semana.
Santo sa dokumento nga ginpagwa sang Chamber, ginapahanugutan ang pag-absent ni Duterte sa pagsugod sang hearing nga magasugod sa Pebrero 23.
Samtang, ginmanduan sang chamber ang kampo ni Duterte, ang ICC Prosecutors kag common legal representatives sang mga biktima nga ibutang kun isapubliko ukon tabunan ang pila ka filings.
Hiwaton ang hearing sa Pebrero 23, Pebrero 24, Pebrero 26 kag Pebrero 27.
Antes sini, gin-waive ni Duterte ang iya kinamatarong nga magtambong sa mga hearing bangud sang pila ka rason apang wala ginakilala ang jurisdiction sang ICC sa iya.
