-- ADVERTISEMENT --
Ginhingyo sang kampo ni former President Rodrigo Duterte kay President Ferdinand Marcos Jr. nga pahanugutan ini nga makabalik sa Pilipinas kun maaprubahan ang interim release nila sa International Criminal Court (ICC).
Suno kay Atty. Nicholas Kaufman, padayon ang paghuyang sang ikaayong lawas sang anay Presidente nga naapektuhan ang abilidad sini nga intindihon sang maayo ang mga ebidensya.
Dugang pa sini nga kuntani pahanugutan sang current administration ang pagbalik sa pungsod sang anay Presidente para sa patas nga hearing tubtob sa matapos ang proceedings.
Gin-athag man sini nga suportado sang mga medical experts lakip na ang mga wala napili sang depensa ang pahayag nga indi maayo ang kondisyon sang anay Presidente.
