Nagpatigayon sang rally ang kapin sa 1,000 ka mga manunudlo sa atubang sang old city hall sa ciudad sang Bacolod sa pagpanawagan sang salary increase.
Nag-umpisa ang rally alas- 6:00 sang gab-i kag alas-7:00, nagsindi sang kandila ang mga manunudlo.
Sa interview sang Bombo Radyo Bacolod kay Richard Gelangre, presidente sang Bacolod City Public Teacher’s Federation, ang pagsindi sang kandila ang nagakahulugan sang “a thousand lights” nga nagahatag sang mensahe nga kun tani masanagan ang gobyerno kag mabatian ang ila panawagan.
Suno diri, luyag nila nga mapasaka ang sweldo nga sa karun kapin sa P5,000 na lamang ang ginapauli nga kwarta sang mga manunudlo bangod kalabanan sa ila ang nagasulod sa lending corporation nga duso man sang mataas nga inflation sa Pilipinas.
Suno kay Gelangre, kaupod sini ang tanan nga teachers nationwide nga may yara man sang mga activity nga ginpatigayon sa panawagan sang salary increase.
Pahayag ni Gelangre, ginalauman sini nga tumanon ni President Ferdinand Marcos Jr ang promisa sini nga salary increase indi lamang para sa mga manunudlo apang para man sa mga kabataan kag sa educational system sang Pilipinas.
