Kapulisan kag mga bombero sa ciudad sang Bacolod, ginpangdeploy na sa mga strategic areas para sa Semana Santa

Preparado na ang ciudad sang Bacolod para sa pagsaulog sang Semana Santa kun sa diin nakapasa na sang security plan ang Bacolod City Police Office.

Sa interview sang Bombo Radyo kay Atty Caesar Distrito, tagpamaba ni Bacolod City Mayor Alfredo “Albee” Benitez, nagdeklarar na si Police Col. Noel Aliño, city director sang Bacolod City Police Office, sang full alert sa mga kapulisan.

May yara sang igadeploy nga kapulisan para sa checkpoint, police assistance desk, kag motorist assistance desk sa mga terminals kag port kasubong man sa mga simbahan kag lugar nga patigayunan sang mga aktibidades.

Wala naman ginpahanugotan nga maka-leave sa duty ang mga kapulisan agud nga present ang tanan sa tion sang Holy Week.