Kapulisan, naghatag seguridad sa pagdul-ong sang election paraphernalia

Naghatag sang seguridad ang mga kapulisan sa pagdul-ong sang mga Election paraphernalia sa mga polling centers sa Bacolod City antes ang Final Testing and Sealing sang mga Automated Counting Machines kaina sang aga.

Sa interview sang Bombo Radyo Bacolod kay Police Lt. Col. Lester Leada, deputy chief director for operation sang Bacolod City Police Office, una nga gindul-ong ang mga official ballots padulong sa 48 ka eskwelahan.

Amat-amat naman nga gindeliver sang trucks sang Commission on Elections ang 398 ka ACMs kag batteries.

Ang kapulisan ang nagahatag sang police convoy sa tagsa ka pagbyahe.