Kapin duha ka libo nga mga kapulisan gikan sa Negros Occidental Police Provincial Office ang ideploy para sa pagbantay sa eleksyon.
Sa interview sang Bombo Radyo Bacolod kay NOCPPO Spokesperson Judesses Catalogo, sila ang may patigayunon nga send off ceremony sa NOCPPO headquarters sa Mayo 5, nga tambungan man sang Provincial Comelec Officer kag iban pa nga ahensya nga involved.
Kaupod sang mga kapulisan nga magaseguro sang safe kag orderly election ang mga personnel sang Armed Forces of the Philippines, Bureau of Fire Protection, Philippine Coast Guard kag iban pa nga security agencies nga deputized sang comelec.
Sa send off ceremony, tsekyaron man ang mga kinahanglanon nga resources kag preparasyon sang mga police personnel.
Ang kapulisan ang magaseguro man sang comelec resources kag election personnel.
