Karambola sang mga salakyan kalakip ang duha ka bus sa Uganda, nagresulta sa 46 nga napatay

Indi magnubo sa 46 ka mga persona ang nagkalamatay matapos ang pagbungguanay sang pila ka mga salakyan sa Uganda.

Sa initial nga imbestigasyon, duha ka mga buses ang dungan nga nag-overtake sa Kampala-Gulu Highway tubtob nga nasugata sang mga ini ang truck kag pribado nga salakyan.

Gintuyo pa sang mga bus nga likawan ang mga salakyan nga nagapadulong sa ila direksyon apang naglab-utanay ang mga ini kag isa ka bus ang nagsuli.

Gindala sa balaybululngan ang pila ka mga pasahero nga nakaangkon sang pilas sa lawas.

Nagpalab-ot naman sang pagpakig-unong si Uganda President Yoweri Museveni kag magahatag sang cash assistance sa mga himata nga nalisdan.

Ginmando man sang Presidente ang imbestigasyon sa nasambit nga insidente.