BACOLOD CITY-Masobra 1,000% ang ginsaka sang reported cases sang measles ukon tipdas sa probinsiya sang Negros Occidental sa halos katunga na sang 2019 kun ikumparar sa pareho nga period sa nakaligad nga tuig.
Santo sa Health Surveillance System sang Provincial Health Office humalin sang January 1- June 15, 2019 ukon Morbidity Week 24 may yara na sang 772 reported cases sang measles sa probinsiya.
Mataas ini sang 1,695% kun ikumparar sa 43 cases lamang sa pareho nga period sang 2018.
Nagapanguna sa may pinakamadamo nga reported cases ang ciudad sang San Carlos nga may yara sang 93 samtang pinakamanubo ang Valladolid nga may lima.
Sa 772 nga reported, 68 diri ang kumpirmado nga kaso sang tipdas.
Sa nakaligad nga kapin sa anom ka bulan na, lima na ang napatay bangud sang tipdas sa probinsiya sang Negros Occidental.
