Isa ka lalaki nga halin sa Wisconsin, USA ang nagbiyahe apisar sa mabaskog nga snowstorm agud makaupod liwat ang iya ido nga namissing sa sulod sang apat ka tuig sa Philadelphia.
Suno sa Animal Care & Control Team sang Philly, may isa ka stray dog nga gindala sa ila pasilidad sang Enero kag ginscan para sa microchip.
Na-identify sa pet microchip nga ang ido amo si Cipi, nga ginreport nga nadula sa nasambit nga lugar apat ka tuig ang nakaligad.
Nagsaylo sa Wisconsin si Leovigildo Ramirez, ang agalon ni Cipi, matapos nga nadula ang ido.
Sang mahibaluan nga nakita na si Cipi, nagbyahe ini sa sa sulod sang 16 ka oras pakadto sa Philadelphia apisar sang mabaskog nga snowstorm agud dal-on pauli ang ido.
Suno kay Ramirez, nagpalagyo ang ido sang 2022 samtang masako ang iya pamilya sa pagpasulod sang groceries sa ila nga balay.
Padayon niya nga gin-update ang microchip ni Cipi sa paglaum nga sa isa ka adlaw ini makita sa liwat.
Tuman naman ang kalipay ni Ramirez sang makita kag makaupod na niya si Cipi.
