Lalaki patay matapos gintiro sa Brgy 2, Bacolod City, nakuhaan sachet sang suspected shabu

Bangkay na ang isa ka lalaki sang nasapwan nga nagahamyangon sa dalan matapos ginluthang sang wala makilal-an nga suspetsado sa Purok Sigay, Brgy 2, Bacolod City, kaina sang kaagahon.

Ang biktima ang ginkilala lamang nga si alyas Junior.

Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, indi residente sang nasambit nga lugar si alyas Junior apang masami lang nagakadto didto.

Suno diri, nakit-an nga nagadalagan ang biktima kag ginlaot kag amo nga may nabatian nga isa ka lupok.

Samtang, may nakuha man nga isa ka sachet sang suspected shabu sa paghinakop ni alyas Junior.