Patay ang 57 anyos nga lalaki matapos ginluthang samtang nagasakay sa motorsiklo.
Ang insidente nagluntad sa Sitio Mauboy, Brgy Nabulao, ciudad sang Sipalay, Negros Occidental sang Sabado sang aga.
Sa interview sang Bombo Radyo Bacolod kay Police Lt. Col. Fernando Somblingo Jr., hepe sang Sipalay City Police Station, nagabyahe papauli ang biktima nga si Francisco Planas, kasado kag residente sang nasambit nga barangay.
Suno diri, samtang nagabyahe may mga persona nga nagharang kay Planas nga nagluthang sa iya.
Nag-agom sang apat ka igo sang pagpangluthang si Planas sa nagkalain-lain nga bahin sang iya lawas.
Suno kay Somblingo, masobra isa ang suspetsado nga nagbantay sa area kun diin malabay si Planas.
Samtang, ginalantaw naman nga away sa duta ang motibo sa pagpatay sa biktima.
