Klaro nga nagahambal sang matuod si retired SPO3 Arthur Lascañas may angot sa mga akusasyon sini batok kay Presidente Rodrigo Duterte bilang leader sang Davao Death Squad (DDS).
Ini ang ginpahayag ni Senator Antonio Trillanes IV sang mahinun-anon sang Bombo Radyo Bacolod.
Suno kay Trillanes, nangin detalyado ang testimoniya ni Lascañas sa pihak sang masobra anom ka oras nga pagpangita sang buslot sang mga senador nga kaalyado ni Presidente Duterte.
Ginkritisar man ni Trillanes ang mga kasubong sini nga senador nga gintutukan ang spiritual renewal ni Lascañas nga ginatudlo rason sang paguwa sini agud ituad ang bug-os nga kamatuoran.
Suno sa senador, anuman ang nangin rason sang paguwa ni Lascañas, ang malahalon nga nagahambal ini sang matuod nga isa ka manugpatay sang tawo si Duterte kag pamatuod diri ang indi paglutaw sang testigo agud ihimutig ang testimoniya sang anay DDS member.
