Nakumpiskar ang masobra P1 million nga balor sang suspected shabu sa mag live-in partner sa drug buybust operation nga ginpatigayon sa Villa Angela Subdivision, Barangay Villamonte, Bacolod City kaina alas-4:10 sang kaagahon.
Ang suspect ang ginkilala nga sanday Mariel Salmingo, 30 anyos, single, wala sang trabaho kag Ronaldo Lañohan, 23 anyos, single, wala sang trabaho lunsay residente sang Purok Tisa, Barangay 20, Bacolod City.
Sa interview sang Bombo Radyo kay PLt Col Antonio Benitez Jr, head sang Bacolod City Drug Enforcement Unit, narecover sa duha ang duha ka nakabugkos nga plastic bag kag siyam ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang 150 grams kag may standard drug price nga P1,020,000.
Ang duha ang natalana mangatubang sang kaso sa paglapas sang Republic Act 9165 ukon Comprehensive Dangerous Drugs Act of 2002.
