Arestado ang maglive-in partner sa kasunod nga nangin operasyon sang City Drug Enforcement Unit sang Bacolod City Police Office sa Purok Langis, Barangay Banago takna alas-11:30 sang kagab-i.
Ang mga suspetsado ang ginkilala kanday Gicelle Pilaro, 22 anyos, street level individual kag amo ang subject person sa operasyon kag ang kalive-in sini nga si Jerome Altarios alyas paki, 22 anyos.
Madugay naman nga ginatransaksyon sang mga ini si Pilaro apang mabudlay ini nga dakpon bangod sa yara sa punta sang lugar ang ila panimalay kag makita gid ang pagsulod sang operatiba.
Paathag sang Team Leader nga modus sang duha amo nga si Pilaro ang nagakapot sang items samtang ang lalaki naman ang nagapangita sang customer kasubong man ang nagadistribute sang droga.
Nakuha sa mga ini ang ginabanta 15 ka gramos sang suspected shabu nga nagabalor sang P102,000.
Nahemo naman nila ini nga madakop matapos nga una na nga ginpasudlan sang mga operatiba ang lugar antes paman ang transaction.
Tanan naman nga mga tawo sa ila lugar ang ginhold kag ginrekisa kag gin-enterview kun nagagamit sang iligal nga droga.
Tatlo naman ka mga residente ang nag-ako nga nagagamit, apang ginprofile lang ang mga ini para sa pagmonitor kag wala gindakop bangod wala sang may nakuha nga iligal nga droga sa ila paghinakop.
