Kada isa sa aton may yara sang kinaiya nga asset sa nawong man ukon sa lawas.
Kaangay sa isa ka Japanese internet celebrity nga si @Jonouchich1 nga may yara sang malaba nga sulang nga nagpasikat sa iya sa social media.
Siya ang masami nga ginasuya-an bangod sa iya babalo kag ginakumpara sa mga anime characters nga may malaba kag taliwis nga sulang ukon babalo.
Apang ini ang gingamit niya agud maka-attract sang atensyon.
Madamo sa mga fans niya ang naghambal nga magpa X-ray siya nga iya man gintuman.
Suno sa mga doktor wala pa sila nakakita sang tawo nga may babalo kaangay sang iya apang ginalantaw nga posible ini may kaangtanan sa genes.
Apang ginapatihan naman ni Jonouchich nga bangod mahilig siya mag-inom sang gatas ang tanan nga calcium nagkadto lang sa iya babalo apang wala naman ginbaton sang mga doktor ang ini nga rason.
Sa karun apisar nga ginasuyaan ang iya babalo kag kun kaisa gina-reject pa sang mga babayi, para sa iya asset sini ang iya babalo para magdamo ang iya social media followers.
