Nagbalos ang Malacaniang kasunod sang pag-react ni Senator Imee Marcos sa ikaayong lawas ni President Ferdinand “Bongbong” Marcos Jr. kun sa diin nagpahayag ini nga ang ikaayong lawas sang presidente ang maga-minyar bangud wala sang naga-atinder diri.
Suno kay Palace Press Officer Undersecretary Atty. Claire Castro nga mangin sinsero ang mamalidha kag indi dapat paglabutawon ang ikaayong lawas sang presidente.
Suno kay Castro ang isa ka tawo nga may ginabatyag sa iya nga ikaayong lawas ang nagakinahanglan sang matuod nga compassion kag pagtatap.
Suno pa diri, indi mangin peke sa mata sang kadam-an.
Madumduman nga ginpahayag sang senadora nga nagbalatian ang iya nga utod bangud wala sang may nagaatipan diri.
Ini kasunod sang pagpahibalo ni Castro nga ang presidente ang ginpaidalom sa medical observation sang Hwebes sang tinalikdan nga semana matapos makaeksperyensya sang discomfort.
Ang presidente ang gindala sa St. Luke’s Medical Center sa Quezon City apang nakabalik naman ini sa palasyo agud nga magbalik sa pagtrabaho.
Ang 68 anyos nga presidente ang nagpahayag man sang tinalikdan nga siya ang naka-eksperyensya sang diverculitis kag dugang pa sini nga nakaandan na ini sa mga indibidwal nga tuman ang stress kag nagaedad na.
