Patay ang isa ka mamumugon matapos nga ginbuno sa liog sa Purok Matawhay, Barangay Binicuil, ciudad sang Kabankalan.
Ang biktima ang ginkilala nga si Jing Paul Casiple, 41 anyos, kasado samtang ang suspetsado naman ang ginkilala nga si Loreto Iligan, 39 anyos, single, lunsay mga mamumugon, kag residente sang nasambit nga lugar.
Sa imbestigasyon sang Kabankalan City Police Station, nagka-argumento ang duha kag hinali na lang nga ginbuno ni Iligan si Casiple sa liog sini gamit ang isa ka patalum.
Gilayon nga gindala sa lorenzo D Zayco District Hospital si Casiple apang ini ang gindeklarar nga dead on arrival.
Samtang, naaresto naman si Iligan sa pursuit operation sang kapulisan kag sa karun yara na sa kustodiya sang Kabankalan City Police Station.
