Masobra sa P300,000 nga balor sang illegal nga druga ang nakumpiskar gikan sa isa ka gwardiya kag babayi sa joint drug buy-bust operation sang Bacolod Police Station 9 kag City Drug Enforcement Unit (CDEU) sa Purok Nami-Nami, Brgy Sum-ag, ciudad sang Bacolod, kahapon.
Ginkilala ang mga suspetsado nga sanday, Harold Garcia, 41 anyos, kasado, nagatrabaho bilang gwardiya, kag ginakabig nga High Value Individual, residente sang Brgy Sanpenit, ciudad sang Bago, kag Nellyn Irish Angela, Cabrales, 33 anyos, kag residente sang ciudad sang La Carlota.
Nakuha sa paghinakop sang duha ang 55 grams sang suspected shabu nga ginabanta nagabalor sang P374,000.
Sa karun yara na sa kustodiya sang kapulisan ang duha ka naaresto nga magapangatubang sang nagakaigo nga kaso.
