Gin-abi-abi ni Bacolod City Mayor Alfredo ‘Albee’ Benitez ang nangin performance ni Police Col. Noel Aliño bilang city director sang Bacolod City Police Office.
Sa interview sang Bombo Radyo Bacolod kay Punong Barangay Caesar Distrito sang Barangay Sincang-Airport kag spokesperson ni Bacolod City Mayor Alfredo ‘Albee’ Benitez, kahapon ginkumpirmar sang alkalde nga ginrelieve na si Aliño kag siya ang iga-reassign bilang Regional Chief sang Criminal Investigation and Detection Group (CIDG)-National Capitol Region.
Suno kay Distrito ang pag-relieve kay Aliño ang bangod sa reshuffling kag career move sini.
Masubo man para sa alkalde ang natabo apang ginkalipay naman sini ang perfomance sang anay city director.
Sa karun, nagahulat pa si Benitez sang lista sang mga ngalan nga mahimo ibulos kay Aliño.
Gin-athag man ni Distrito nga indi rason ang asod-asod nga shooting incident sa ciudad sa pagparelieve kay Aliño.
