13 na ka mga Local Government Units sa probinsya sang Negros Occidental ang nag-report nga apektado sang pagbaha bangud sang pag-ulan dala sang Bagyong Crising.
Santo sa report nga ginpagwa sang Negros Occidental Provincial Disaster Risk Reduction Management Office Head Irene Bel Ploteña, ang 13 ka mga LGUs may yara sang 94 ka mga Barangay ang apektado kag 3164 families ukon 10,425 individuals ang yara sa evacuation centers.
Ang mga LGUs ang ginalakipan sang banwa sang Hinobaan nga may anum ka barangay nga apektado nga ginalakipan ang Barangay Po-ok, Asia, Bulwangan, Culipapa, Bacuyangan kag Barangay Alim; Banwa sang Cauayan nga may yara sang pito ka Barangay nga apektado nga ginabug-usan sang Caliling,Guijulngan, Masaling, Inayawan, Tuyom, Camalanda-an kag Basak.; Banwa sang Binalbagan may yara sang 12 ka Barangay; Banwas ang Isabela may napulo ka Barangay; sa ciudad sang Sipalay may yara sang pito ka Barangay; Kabankalan City may 15 ka Barangay; Himamaylan City may yara sang pito ka Barangay ang apektado sang pagbaha, banwa sang Ilog ang may yara sang lima ka Barangay ang apektado; Candoni ang may yara sang apat ka Barangay; Hinigaran nga may yara man sang walo ka Barangay; sa banwa sang Moises Padilla may yara sang apat ka Barangay kag sa Pontevedra ang may yara sang walo ka Barangay.
Samtang may yara man sang reported nga mga nagkalamatay nga mga sapat bangud sa pagbaha, may yara man sang nagkalaguba nga 13 ka mga balay bangud sa mga nagluntad nga landslides.
Samtang may yara sang casualty nga tatlo nga ginalakipan sang duha sa Hinobaan matapos nga makuryente kag isa nga nadula nga mangingisda sa ciudad sang Sagay.