Nagmando na sang mandatory evacuation ang lokal nga gobyerno sang Canlaon City, Negros Oriental para sa mga residente sa sulod sang 4-kilometer Permanent Danger Zone sa palibot sang Bulkan Kanlaon.
Ini kasunod sang tuman ka damo nga mga pagtay-og nga narecord nga ginapahayag konektado sa nagasanyog nga aktibidad sang bulkan.
Nag-issue sang Executive Order No. 63 series of 2024 si Canlaon City Mayor Jose Chubasco Cardenas, nga nagapahanumdom nga dapat maprotektahan ang mga residente kasunod sang masobra 200 ka mga linog nga narecord humalin alas-10:35 kagab-i.
Ang Bulkan Kanlaon nga yara sa Alert Level 2 nga ulihi nga nag-erupt sang Hunyo 3, ang nag-emit sang 2,794 ka tonelada sang sulfur dioxide kahapon kag na-obserbahan man ang pagtimbook sang aso nga nagdangat sa 800 metros ang kataason.
Gin-aprubahan naman ni La Castellana, Negros Occidental Municipal Mayor Rhummyla Nicor-Mangilimutan ang rekomendasyon sang Municipal Disaster Risk Reduction and Management Council para sa class suspension para sa tanan nga levels, pampubliko man ukon pribado.
Suno kay Mangilimutan, subong nga adlaw lamang ang suspension kag sila ang nagahulat pa sa monitoring sang Phivolcs.
