Gintawag ni President Ferdinand “Bongbong” Marcos Jr. nga “unacceptable” ang sexist ukon misogynistic remarks nga ginpahayag sang pila ka mga kandidato sa 2025 elections.
Suno kay Palace Press Officer Undersecretary Atty. Claire Castro, ini ang ginpahayag sang Presidente matapos nga iya ini ginhambalan natuhoy sa nasambit nga butang.
Suno kay Castro, ang ini nga mga sahi sang pahayag ang indi mag-exister sa idalum sang Marcos administration.
Ginkwestiyon man sini kun ngaa ginapalakpakan ang ini nga sahi sang mga pahayag.
Suno sa iya, ginapabugal kag ginahimo nga joke ang pangbabaye sang mga kalalakin-an kag ginahimo man nga kaladlawan kag issue ang mga rape nga sitwasyon.
Suno diri, indi dapat paghimuon nga idolo ang ini sang sahi sang mga tawo kag wala dapat ginapalakpakan.
Pasalig sini nga indi na ini dapat matabo sa idalum sang Marcos administration.
![Pinterest](https://pinterest.com/pin/create/button/?url=https://bacolod.bomboradyo.com/mga-sexist-ukon-misogynistic-remarks-sang-mga-kandidato-sa-kampanya-unacceptable-suno-kay-president-bongbong-marcos/&media=https://img.bomboradyo.com/bacolod/2025/04/PBBM-RE-SEXIST-REMARK.webp&description=Mga sexist ukon misogynistic remarks sang mga kandidato sa kampanya, "unacceptable" suno kay President Bongbong Marcos){kind=link}