Ginalantaw nga palawigon pa sang Department of Agriculture (DA) kag Sugar Regulatory Administration (SRA) ang moratorium sa sugar importation nga ginalauman nga matapos sa 2026 ukon pagtapos sang milling season.
Ang amo nga tikang, nagatuyo nga maprayoridad ang lokal nga produksyon sang kalamay, ilabi na sa tunga sang mabaskog nga suplay sang kalamay sa pungsod.
Ginpahayag ni Agriculture Secretary Francisco Tiu Laurel Jr. nga ang polisa nga una gin-anunsyar sang Oktubre 15, nga ginpahayag ang posible nga pag-extend sang moratorium matapos ang milling season kag depende sa aktwal nga lebel sang sugar stocks.
Ini kasunod sang mas mataas nga raw sugar output sang nagligad nga tuig.
Magluwas sini, ginpahayag man nga nagapreparar ang DA kag SRA sang isa ka regulatory framework para sa molasses importation, nga nagatuyo nga maproteksyunan ang mga lokal nga producer sang kalamay kag masiguro ang balanse sa industriya sang nasambit nga produkto.
