Ginbasura sang Sandiganbayan Second Division ang mosyon sang prosekusyon nga kakason si anay Department of Public Works and Highways Secretary Manuel Bonoan bilang co-accused sa kaso nga graft kaupod si Senator Jinggoy Estrada angot sa gin-alegar anomaliya sa flood control projects.
Santo sa korte, indi na ma-amyendahan ang impormasyon sa kaso bangud na-arraign na si Estrada sang Hunyo 4.
Ang pagkakas kay Bonoan ang magasaylo sang theory of the case humalin sa “conspiracy”, mangin “individual liability” na ini nga mahimo makaapekto sa depensa sang senador.
Luyag sang prosekusyon nga kakason si Bonoan agud magamit siya bilang state witness sa mga flood control cases, kalakip ang master case batok kay anay House Speaker Martin Romualdez.
Apang, ginpaathag sang Sandiganbayan nga posible pa ma-discharge si Bonoan bilang state witness sa nagakaigo nga tion sang trial.
Sa karon, nagpabilin ini nga co-accused sa kaso batok kay Estrada.
