BACOLOD CITY — Nakit-an na ang 21-anyos nga lalaki nga nagsaka sa Tinagong Dagat sa kabukiran sang ciudad sang Silay kag na-missing humalin sang Huwebes sang hapon.
Ginkumpirmar sa Bombo Radyo ni Punong Barangay Milagros Catalan sang Barangay Patag, sa nasambit nga ciudad, nga nakit-an na kaina sang hapon, Biyernes, si Daryl Delocario sang Barangay 4, Silay City.
Suno kay Catalan, si Delocario ang nagtupa sa busay kag ginapatihan nga ini ang nakadalin-as samtang nagapanaog sila sa bukid kag nalipong sang nagtupa sa tubig.
Maayo man ang kahimtangan ni Delocario apang ginbululigan pa ini sang mga rescuers bangud wala sang alagyan pasaka kun indi pagbutangan sang kalat.
Kaina sang aga, nakit-an ang mga identification cards, headset, butane kag iban pa nga dala ni Delocario.
Marso 29 sang magsaka si Delocario kag siyam ka iban pa sini ka mga kaabyanan sa Tinagong Dagat.
Gintunga ang mga ini sa duha ka grupo apang nagbulag si Delocario sa mga kaupod sini.
Sang makapanaog na, didto na kag natukiban nga wala makaguwa upod sa ila ang biktima.
Nagapati ang punong barangay nga buhi pa ang biktima kag yara lamang ini nagalibot-libot sa wayang sa ibabaw sang bukid bangud indi ini makahibalo sang alagyan paguwa diri.
Nahibaluan nga wala sang permit ang grupo sa pagsaka sa bukid kag ang pakaisa lamang sang isa sa ila mga kaupod ang nagserbe nga guide.
