Nagapati ang National Economic and Development Authority (NEDA) nga malab-ot sini ang target nga mapondohan ang priority projects sang Marcos administration sa 2025 bisan nga indi na magpatuman sang panibag-o nga pagsaka sa buwis.
Ini nga budget para sa ginaduso nga 2025 national budget kag priority projects sa idalom sang Philippine Development Plan (PDP) ang na-istoryahan sa meeting ni President Ferdinand Marcos, Jr. kaupod sa economic managers, Speaker Martin Romualdez kag Senate President Francis Escudero sa Malacañang.
Suno kay NEDA Secretary Arsenio Balisacan, dako nga bahin sini ang ipain para sa food security kag pagpaayo sang economic climate paagi sa maayo nga access sa infrastructure kag mas maayo nga kalidad sini.
Indi na kinahanglan ang pagpanukot sang dugang nga buwis suno sa tiglikom bangud may yara na sang fiscal consolidation program.
Ginpasalig man sini nga on track sila sa pagpatuman sang nasambit nga plano.
