Negros Occidental Police Provincial Office, nagpasalig sang hustisya sa mga ginpatay sang NPA sa probinsya

Nagpasalig ang Negros Occidental Police Provincial Office nga mahatagan sang hustisya ang mga biktima sang pagpamatay sang Leonardo Panaligan Command-Central Negros Guerrilla Front sang New Peope’s Army (NPA).

Una diri, gin-ako kag ginpanindugan sang rebelde nga grupo nga ila ginsentensyahan sang kamatayon ang siyam ka mga persona bangod sila ang nagaserbe nga informant sang militar.

Suno kay NOCPPO spoeksperson Police Capt. Judesses Catalogo, padayon ang pag-imbistigar sang mga kapulisan agud nga mapasakaan sang kaso kag maserbehan sang arrest warrant ang mga NPA.

Nagpasalig man sini nga mahatagan sang hustsiya ang tanan nga nangin biktima sang NPA kag mapabilin ang peace and order sa probinsya.