Ginkumpirmar sang gobernador sa probinsya sang Negros Occidental nga naghatag ang provincial government sang financial assistance sa Hinigaran, Negros Occidental para gamiton sa pagtukod sang material recovery facility sang banwa.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, madugay na nga hulat sang Hinigaran sa nasambit nga financial assistance para sa Sanitary landfill.
Suno kay Lacson, nanamian man ini bangud madamo na sang Local Government Units sa probinsya ang nagapatindog sang kaugalingon nga sanitary landfill.
Ang ulihi nga gin-inagurahan sang probinsya amo ang sanitary landfill sang La Castellana.
Nagapanawagan man ang gobernador sa iban pa nga LGUs nga wala pa sang sanitary landfill nga tinguhaan nga makapatindog na.
Dugang pa sini nga ang provincial government ang willing naman nga mag-assist sa mga LGUs nga magapatindog sang nasambit nga pasilidad.
