Ginkumpirmar sang gobernador sang Negros Occidental nga may igapartinisir nga P30 million nga pondo ang probinsya para sa COVID vaccine.
Sa interview sang Bombo Radyo kay Governor Eugenio Jose “Bong” Lacson, ginpahayag sini nga ang nasambit nga pondo ang magahalin sa Provincial Disaster Risk Reduction Management Office (PDRRMO).
Suno kay Lacson, apisar nga may yara sang ginpain nga pondo ang national government para diri, mas maayo gihapon kun may yara sang kwarta ang probinsya in kaso nga indi bastante ang iya halin sa national.
Aminado man ini nga magamay ang P30 million kag magahulat pa ini sang policy direction nagikan sa interagency task force kun paano magbakal sang bakuna para sa nagkalain-lain nga local government units.
Wala man sini ginapwersa ang tanan nga magpabakuna apang suno sa gobernador, ang mga frontliners amo ang himuon nga prayoridad.
