Nagpasalig na ang Negros Electric and Power Corporation (NEPC) sang full restoration sang kuryente sa Dominggo sa ciudad sang Bacolod.
Suno kay Bacolod City Lone District Congressman Alfredo ‘Albee’ Benitez, wala ini naglaum nga dako ang damage sa kuryente bangod sang bagyo Tino.
Suno diri, pila ka adlaw ang pagrestore sa main power source sa substations kag feeders kun sa diin kalabanan sa mga poste nga nagkalaguba amo ang yara sa malayo nga area nga indi na masulod sang mga salakyan.
Sa karun may yara pa sang 120 ka mga areas nga wala pa naclear sa vegetation kag nagsuggest na ini sa Local Government Unit sang augmentation para sa clearing operation.
Samtang, pahayag ni Benitez, sunod naman sini nga tawagon amo ang atensyon sang PrimeWater kag BACIWA bangod ang kuryente kag tubig importante nga kinahanglanon sang pumuluyo.
Samtang, padayon ang pagpanagtag sang foodpacks sang opisina ni Congressman Benitez sa mga apektado sang Bagyo Tino kag Uwan.
Nagkulang ang food packs sang Department of Social Welfare and Development apang kahapon may nag-abot na nga supply nga ipanagtag sa mga biktima sang bagyo subong nga adlaw.
