Gin-athag sang spokesperson sang Negros Electric and Power (NEPC) nga wala sang pagsaka sa rate sang kuryente.
Sa interview sang Bombo Radyo kay Jonathan Cabrera, kun ano man ang rate sang ang Central Negros Electric Cooperative, Inc. (CENECO) pa ang nagatake-charge, amo man sa gihapon ang rate sang ang NEPC na ang matake-over.
Suno diri, kun natapos na ang rehabilitation ukon nangin maayo na ang supply sang kuryente, amo na kag mangayo ang mga ini sang balik sa ila nga gingasto.
Apang, ini ang madugay pa nga matabo kag kun sila ang mangayo sang pagsaka sa rate madamo pa sang dapat nga iprocess.
Paathag sini nga insakto lamang ang ila nga himuon nga kun naggasto sila sa pagtrabaho kag paghatag sang maayo nga serbisyo dapat nga mabalik man sa ila ang gingasto nga kwarta apang ini ang ila sukton sa tion nga nabatyagan na sang mga consumers ang maayo nila nga serbisyo.
