Ginhatagan sang Medal of Excellence sang Senado si Pinoy Gymnast Carlos Yulo matapos nga makakuha sang duha ka bulawan nga medalya sadtong Paris Olympics.
Magluwas pa sa pagkilala, nakabaton man si Yulo sang P3 million sang cash incentives.
Personal nga ginhatag ni Senate President Francis ‘Chiz’ Escudero ang Medal of Excellence nga nag-umpisa sadtong 2021 sang makuha ni Pinay weightlifter ang una nga bulawan nga medalya sa Olympics sa Tokyo.
Nakabaton naman sang tag P1 million sanday Olympic bronze medalist Nesthy Petecio kag Aira Villegas sa patag sang boxing.
May yara na sang apat ka resolusyon ang ginpasar sang Senado sa plenary sessions agud nga tamyawon sanday Yulo, Villegas, Petecio kag bug-os nga Philippine team, Philippine Olympic Committee kag Philippine Sports Commission para sa madinalag-on nga kampanya.
