Naaprubahan na sa third and final reading ang ordinansa sa pagtukod sang Bacolod Traffic and Transport Management Department (BTTMD).
Ang ordinansa sang gin-author ni Councilor Al Victor Espino, chairperson of the City Council committee on traffic.
Bangud departamento na ang Bacolod Traffic Authority Office (BTAO) si BTAO Head Patrick Lacson ang mangin executive assistant nalang sa tion may yara na sang iassign nga magapamuno sa Bacolod Traffic and Transport Management Department (BTTMD).
Wala pa sa karun sang detalye ang nasambit nga departamento bangud madamo pa sang kinahanglan nga hikuton kaangay sang plantilla para sa pinuno sang departamento.
Sa interview sang Bombo Radyo Bacolod kay Bacolod City Mayor Alfredo ‘Albee’ Benitez, prayoridad nila sa karun ang makakuha sang residente sang Bacolod nga may yara sang track record agud nga mangin departament head sang Bacolod Traffic and Transport Management Department (BTTMD).
Suno kay Benitez, kun wala siya sang makita nga residente sang Bacolod magakuha ini sa gwa sang ciudad.
Ginpahayag man sini nga mismo si Lacson ang nagpahayag nga bisan mangin executive assistant nalang ini bangud indi siya qualified mangin department head.
Suno sa alkalde sang tinalikdan nga State of the City Address sini, nagrequest na ini sa City Council nga aprubahan ang ordinansa agud magtukod sang nasambit nga departamento bangud ang traffic ang isa sa mga problema sang ciudad nga kinahanglan hatagan sang atensyon kag solusyon.
