Ginpanginwala ni Senator Imee Marcos nga ang endorsement ni Vice President Sara Duterte sa iya Senate reelection bid ang isa ka “reward” bangud sa pag-initiate sang imbestigasyon sa pagkaaresto sang iya amay nga si former President Rodrigo Duterte.
Suno kay Senator Imee Marcos, ang utod ni President Ferdinand Marcos Jr., ang ideya agud nga siya ang i-endorso ni VP Sara ang mismo nagikan sa anay Presidente.
Suno diri, pagbalik ni VP Sara sa The Hague, ginmanduan sila ni Senator Robin Padilla ni former President Duterte nga magpangampanya kag buligan ang mga kaalyado nila.
Sa isa ka video nga nakapost sa Facebook page ni Senator Imee, makit-an sila ni VP Sara nga nagasuksok sang itom agud mag-mourn sa estado sang pungsod nga nagapangatubang sa karun sang mga krimen kag gutom.
