Nakigsugilanon na ang provincial veterinarian sang Negros Occidental sa Provincial Agriculturist natuhoy sa produksyon sang mga ingredients sang feeds para sa baboy.
Suno kay Dr. Renante Decena, kalabanan sa mga programa sang Department of Agriculture (DA) ang nakafocus sa bugas.
Apang nakigsugilanon na ini kay Atty. Japhet Masculino natuhoy sa problema sa nagasaka nga presyo sang baboy nga may kaangtanan sa presyo sang feeds.
Nagapati si Decena nga may ikasarang ang Negros Occidental sa produksyon kaangay sa iban nga probinsya.
Samtang isa man sa mapuslanon nga sektor ang mga integrators, nga amo ang nagasuporta kag naga-invest para sa imprastraktura, feedmills, storage kag post harvest facilities.
May Corn Mill man ang probinsya sa Sagay kag Kabankalan nga ginhatag sa National Agri-Business Corp. apang wala makatake-off kag wala masyado naka-operate.
Ang mga pasilidad ang ginbakal sang National Food Authority apang nagkaproblema ang mga farmers sa paggamit sang nasambit nga corn mill.
Dugang pa ni Decena nga madamo pa sang mga inisyatibo ang probinsya sadto kaangay sang Casava Mill sa banwa sang Salvador Benedicto.
