Nagapati ang political analyst nga politically motivated ang pagduso sang kampo ni President Ferdinand “Bongbong” Marcos Jr. sa pagpostpone sang Bangsamoro Autonomous Region in Muslim Mindanao (BARMM) Elections sa 2006.
Sa interview sang Bombo Radyo Bacolod kay Atty Jomax Ortiz, 4 million ang numero sang botante sa BARMM.
Samtang dako naman nga porsyento sini ang nagasuporta kay Vice President Sara Duterte.
Suno kay Ortiz, mahimo nga nakita sang grupo ni Marcos nga mabaskog ang Duterte sa BARMM gani indi nila luyag nga ini ang madungan sa May 2025 Midterm Elections.
Paathag sini nga target sang Marcos nga makaseguro nga sa magadaog nga Kongresista, one-third ang kaalyado sang Presidente.
Pinaagi sini mapasar ang ginaduso nga impeachment complaint batok kay VP Sara.
Suno kay Ortiz, sa survey makita nga nagnubo ang ratings ni VP Sara sa Luzon kag Visayas apang ini ang nagapabilin nga mabaskog sa Mindanao.
Gani dako kuntani ang papel sang BARMM sa pagdugang sang pwersa sang Duterte.
Samtang ginpahanumdom man sang political analyst nga kun magkwestyon ang pihak nga partido sa constitutionality, ang appeal ang dapat ipasaka sa Korte Suprema.
Apang nakita sini nga wala na sang pulos ang appeal bangod ang desisyon ang dako ang tyansa nga maggwa matapos na sang May 12 Elections.
