-- ADVERTISEMENT --

Pormal na nga nagbukas ang Palarong Panlalawigan kun sa diin ginpatigayon ang opening ceremony sa Panaad Park and Stadium.

Ang kahiwatan ang gin-umpisahan paagi sa parada sang nagkalain-lain nga athletic delegations halin sa magkatuhay nga lugar sa Negros Occidental, nga ginalakipan sang Bacolod City Division Athletic Association Division, Bago City Division Athletic Association Division, Cadiz City Division Athletic Association Division, kag madamo pa.

Nagtambong sa nasambit nga kahiwatan sanday Negros Occidental Governor Eugenio Jose “Bong” Lacson, Councilors Jason Villarosa and Al Espino, Sectoral Head Carmeli Zayco, Schools Division Superintendent – Negros Occidental Anthony H. Liobet, kaupod ang mga LGU officials kag schools division superintendents.

Gin-abi abi ni Bacolod City Councilor Al Victor Espino ang mga atleta bilang tiglawas ni Bacolod City Mayor Alfredo Benitez nga wala nakatambong bangud sa mga importante nga hilikuton.

Sa mensahe ni Espino, ginhighlight diri ang obligasyon sang obligasyon sang mga atleta nga dapat masamit masami nga ipractice ang sports discipline kag ipresyar ang gift of sport.

-- ADVERTISEMENT --

Ginpakigbahin man ni Espino ang mensahe sang alkalde nga nagaemphasize nga ang sports ang nagatudlo sa tanan sang character of fair play kag matun-an nga magpadayon sa paglab-ot sang goal indi lang sa field kundi sa pagpangabuhi man.

Samtang sa mensahe naman ni Negros Occidental Governor Eugenio Jose “Bong” Lacson, gin-emphasize diri nga ang sentro sang nasambit nga kahiwatan amo ang mga atleta kag ang provincial meet ang indi lang competition apang platform para sa mga pamatan-on agud nga magpakita sang ila nga mga talento kag skills.

Sa opening ceremony man ginpatigayon ang ceremonial releasing sang pating, ang Torch kag Lighting of Urn, ang Athletes’ Oath of Amateurism, kag ang Oath of Officiating Officials.

Natapos ang seremonya paagi sa playground demonstration performance sang Negros Occidental High School (NOHS).