Ginpahayag sang pinuno sang Provincial Environment and Natural Resources Office (PENRO)-Negros Occidental nga sa karun nga tion sang tig-ilinit, ila ginahatagan sang prayoridad ang pag-rehabilitate sang water shed sa probinsya.
Sa interview sang Bombo Radyo Bacolod kay Engineer Joan Nathaniel Gerangaya, yara na sila sa alert level sa pag-protekta sa mga water sheds sa karun nga may yara sang kakulangan sang supply sang tubig.
Suno diri, sa probinsya sang Negros Occidental, madamo sang dalagko nga mga water sheds kasubong man nga ginakabig nga may pinakamanami nga tubig sa bug-os nga Pilipinas.
Ila man ginabantayan ang posible nga pagluntad sang forest fires nga mangin dako nga halit ang epekto sini sa mga water shed.
Ginapasalamatan naman sini sa karun nga may yara na sang ihibalo ang mga tawo kaupod ang tagsa ka mga Local Government Unit kun paano magprotekta sa mga water shed.
Apang, nagpanugyan lamang ini sang pag-upod sa ila sa pag-segregate sang basura agud nga malikawan ang pag-clog kag paghigko sang water system.
