Bukas nga ginbaton sang Pilipinas ang ginpa gwa nga pahayag sang Group of 7 (G7) leaders nga nagakondenar sa agresibo nga tikang sang
China sa disputed waters.
Kadungan sini, nagpanawagan man ang Pilipinas sa China nga untaton ang pagbali sang kamatuoran, mga delikado nga tikang kag harassment
batok sa mga barko kag Filipino personnel.
Sa isa ka statement nga gin-issue paagi sa Department of Foreign Affairs (DFA), ginpahayag sini nga ang joint statement sang G7 nga
ginalakipan sang mga leader sang Italy, Germany, US, UK, Canada, France kag Japan ang nagapakita sang ila nga commitment agud
manindugan sa rules-based international order kag rule of law sa nagkalain-lain nga bahin sang pungsod.
Ginpahayag man sang DFA nga nagaupod ang vision sang G7 para sa mabakod kag hilway nga Indo-Pacific region kag nagpanindugan batok
sa bisan ano man nga tikang nga nagaguba sa World peace and security.
Dapat man nga untaton sang China ang provocative behavior kag pagbali sini sang mga kamatuoran kalakip na ang pagpatuman sang domestic
laws kag mga regulasyon sa legal nga pagpanag-iya sang maritime zones sang Pilipinas nga paglapas sa international law.
Sa pagtapos sang summit sang G7 sa Apulia, Italy sang weekend, nagpahayag ang G7 leaders sang tuman nga pagpamatok sa anuman unilateral attempt agud nga bag-uhon ang status quo sa disputed waters sang pwersahan.
