Ginpauntat sang Department of Agriculture (DA), ang pag-import sang manok sa Pilipinas gikan sa Australia kasunod sa kumpirmado nga kaso sang bird flu.
Suno sa DA, ginpatuman ang banning kasunod sa report sang Chief Veterinary Officer sang Australia angot sa outbreak sang H7N3 kag H7N9.
Ang outbreaks ang narekord sang Mayo 23 sa Meredith kag Mayo 25 sa Terang sa estado sang Victoria kun sa diin ginkumpirmar sang Australian Centre for Disease Preparedness ang nagalapta nga infection.
Kasunod sang abiso sang Australian government, nag-issue sang Memorandum order No. 21 si Agriculture Secretary Francisco Tiu Laurel Jr.
Santo sa memorandum nga ginpirmahan sang Hunyo 6, igasuspend sang Bureau of Animal Industry ang issuance sang Sanitary and Phytosanitary Import Clearances (SPSIC) sa pag-import gikan sa Australia sang wild kag domestic birds, lakip na diri ang poultry meat, day-old chicks, itlog kag semen.
