-- ADVERTISEMENT --
Sa Latest medal tally nga ginpagwa sang Paris Olympics 2024 alas-6:00 subong nga aga, yara na sa rank 22 ang Pilipinas.
Ini kasunod sang pag-angkon sang duha ka gold medal sang Filipino gymnast nga si Carlos Yulo.
Ginalauman nga magsaka pa ang standings sang Pilipinas karun nga segurado na ang medalya nanday Filipina boxer Nesthy Petecio kag Aira Villegas.
Nagapanguna naman sa rankings ang China nga nakatipon na sang 21 ka gold, 18 ka silver kag 14 ka bronze medal.
Ginasundan sang Estados Unidos nga nakatipon sang 20 gold, 30 silver kag 28 bronze medal samtang ikatatlo naman ang Australia nga may 13 gold, 11 silver kag 8 bronze medals.
-- ADVERTISEMENT --
