May pito pa nga ginalaot nga nakapalagyo sa engkwentro nga nagluntad sa tunga sang Philippine Army kag New People’s Army sa Barangay Salamanca, Toboso, Negros Occidental.
Nagpadulong sa lugar kun diin nagluntad ang engkwentro si Negros Occidental Police Provincial Office Director Police Col. Dennis Wenceslao kag Police Lt Col Florendo Fajardo, hepe sang Escalante City Police Station para mag-augment sa militar sa banwa sang Toboso.
Sa interview sang Bombo Radyo Bacolod kay Fajardo, may mga residente sa barangay Udtongan ang naapektohan man sang engkwentro bangod ini ang yara na sa border sang Escalante City kag Toboso.
Suno diri, nagpaduong sila sa encounter site para mag-assist sa sitwasyon.
Samtang, may abiso na nga ginpaggwa nga may iban nga bahin sa ciudad nga temporaryo wala ginpalabayan bangod posible nga didto nagpadulong ukon nanago ang mga nakapalagyo nga NPA.
